ᑐᙵᕕᒃᑯᑦ ᓯᕗᓪᓕᐹᑦᑎᐊᖑᔪᒥᒃ ᓈᒪᓪᓗᓂ ᖃᐅᔨᓴᕈᑎᖃᖅᓯᒪᒻᒪᑕ ᐊᑭᑐᔪᓂᑦ ᐊᖃᕐᕆᔾᔪᑎᓂᒃ ᓄᓇᕗᖕᒥ, ᑕᑯᓐᓇᕐᑐᒍᑦ ᑲᓇᑕᒥᐅᖃᑎᑦᑕ ᓴᓂᐊᓂᓕ. ᑕᒪᐃᓐᓂ ᐊᑭᑐᔪᑦ ᐊᖃᕐᕆᔾᔪᑎᑦ ᐊᔾᔨᒌᙱᑦᑐᑦ ᑭᒥᕐᕈᔭᐅᑎᓪᓗᒋ, ᓄᓇᕗᑦ ᐊᒥᓱᒻᒪᕆᐊᓗᖕᓂᒃ ᐃᓛᑯᔾᔪᑎᖃᕐᒪᑕ ᑲᓇᑕᓕᒫᕐᒥ ᐊᑐᖅᑕᐅᒐᔪᒃᑐᑦ ᑕᑯᓪᓗ ᒋᑦ.
ᐅᓂᒃᑳᑦ ᐅᔾᔨᑐᕐᓂᖃᖅᐳᑦ ᐊᔾᔨᒌᙱᑦᑐᓂᒃ ᐊᑭᑐᔪᓂᒃ ᐊᖃᕐᕆᔾᔪᑎᓂᒃ ᓯᕗᓪᓕᐹᖑᑎᑕᐅᔭᕆᐊᓕᖕᓂᒃ ᐱᖃᓯᐅᑎᓪᓗᒋᑦ ᐃᒡᓗᓕᕆᓂᖅ, ᖃᕆᑕᐅᔭᒃᑯᑦ ᐅᖓᓯᒃᑐᒧᑦ ᑎᑭᐅᑎᔾᔪᑎᑦ, ᐋᓐᓂᐊᔪᓂᒃ ᐃᓱᐊᕐᓴᐃᒍᑎᑦ, ᐆᒻᒪᖅᑯᑎᑦ, ᐊᒻᒪ ᐃᒃᓴᕐᕖᑦ ᐊᒻᒪ ᑐᓚᑦᑕᕐᕖᑦ. ᖃᐅᔨᓇᓱᐊᕐᓂᒃᑯᑦ ᖃᐅᔨᓇᕐᓯᓚᐅᕐᑐᖅ ᓄᓇᕗᑦ ᐊᑭᑐᔪᓂᒃ ᐊᑲᕐᕆᔾᔪᑎᖏᑦ ᓈᖕᒪᖏᒐᔪᓐᓂᖏᓐᓂᒃ, ᓴᓇᔭᐅᔭᕆᐊᖃᓕᕐᑐᑦ ᓴᓇᔭᐅᓯᒪᓇᑎᒃ, ᐅᕝᕙᓗ ᐱᑕᖃᙱᑎᐊᒻᒪᕆᒃᑐᑎᒃ ᓴᓂᐊᓂᓕ ᑲᓇᑕᒥ ᖃᐅᔨᒪᒍᑕᐅᔪᓂᒃ ᑭᒡᓕᖃᕈᑎᓂᒃ.
ᐱᒻᒪᕆᐅᔪᑦ ᓱᓕᔪᑦ ᐅᓂᒃᑳᓂᑦ ᐱᔭᐅᔪᑦ:
● ᓄᓇᕗᖕᒥ ᐅᓄᕐᓂᐹᖑᕗᑦ ᐃᒡᓗᒥᐅᖃᑎᒌᑦ ᓂᓐᓂᐅᖅᑐᖅ, ᐊᒻᒪ ᐊᒥᓲᓛᓂᑦ ᐃᒡᓗᖏᑦ ᓴᓇᔭᐅᑦᑎᐊᑲᓐᓂᕆᐊᖃᖅᑐᖁᑎᓖᑦ ( 6-ᓰᕋᓪᓗᐊᐸᓗᑲᓴᒃᑐᓂᒃ ᑲᓇᑕᐅᑉ ᓴᓂᐊᓂᓕ).
● ᓄᓇᕗᑦ ᖃᑦᑏᓐᓇᐅᓂᕐᐹᓂᒃ ᐃᖅᑲᓇᐃᔭᕐᑎᖃᖅᑐᑦ ᐊᐅᓚᑕᓂ ᐊᓐᓂᐊᕕᓂ ᐊᒻᒪ ᐃᒡᓕᖏᑦ ᖃᑦᑎᓐᓇᐅᓂᕐᐹᖑᓪᓗᑎ ᐃᓄᒋᐊᓐᓂᖏᑦ ᒪᓕᒃᑐᒋᑦ (1,095 ᐃᓄᒋᐊᓐᓂᖏᑦ ᐃᒡᓕᕐᒧᑦ ᐊᑕᐅᓯᕐᒧᑦ, ᑲᓇᑕᒥᓕ ᐃᒪᓐᓇᐃᒐᔪᒃᑐᖅ 409 ᐃᓄᒋᐊᓐᓂᖏᑦ)
● ᓱᑲᓕᓂᕐᐹᖅ ᖃᕆᑕᐅᔭᒃᑯᑦ ᐅᖓᓯᑦᑐᒨᕈᑎ ᐊᑐᐃᓐᓇᐅᔪᖅ ᓄᓇᕗᖕᒥ 8−ᕋᓪᓗᐊᕐᑐᓂᒃ ᓱᒃᑲᐃᓂᕐᓴᖅ ᑲᓇᑕᓕᒫᒥᓕ ᐊᑐᖅᑕᓂᒃ.
● ᓄᓇᕗᑦ ᒐᕙᒪᖃᕐᕕᑑᔪᖅ ᑕᑯᔭᒐᖃᕐᕕᖃᙱᑦᑐᖅ ᐅᕝᕙᓗ ᓯᕗᓕᑦᑕ ᐃᓕᖅᑯᓯᖏᓐᓂᒃ ᑕᑯᔭᒐᖃᕐᕕᖃᕋᓂ.
● ᖃᓂᒋᔮᓃᒃᑐᑦ ᓇᑉᐸᖏᑦ ᓱᕈᓯᓛᑦ ᐃᓅᓕᕐᓯᒪᔪᑦ ᓄᓇᕗᖕᒥᐅᑦ ᐃᓄᐃᑦ ᖃᓪᓗᓈᑦ ᓄᓇᖓᓂ ᐋᓐᓂᐊᕕᓂ ᐃᓅᓕᕐᓯᒪᕗᑦ, ᐊᒻᒪ ᐊᒥᓲᓂᕐᓴᐃᑦ ᐃᓱᐊᕐᓴᕐᑕᐅᔭᕆᐊᓖᑦ ᓄᓇᕗᑉ ᓯᓚᑖᓅ ᐃᓱᐊᕐᓴᕐᑕᐅᒋᐊᖅᑐᒋᐊᖃᖅᐸᒃᑐᑦ.
ᐃᓄᐃᑦ ᑎᒥᖁᑎᒋᑦ ᖃᓄᖅᑑᕈᑎᖃᕋᓱᐊᕐᐳᑦ ᐸᕐᓇᒍᑎᓕᐅᕐᑐᑎᒃ ᐊᒻᒪ ᓴᖅᑮᓇᓱᐊᕐᑐᑎᒃ ᐊᑭᑐᔪᓂᒃ ᐊᖃᕐᕆᔾᔪᑎᓂᒃ ᓄᓇᕗᖕᒥᐅᑦ ᐃᓄᐃᑦ ᐱᔭᕆᐊᖃᖅᑕᖏᓐᓂᒃ ᐱᕙᓪᓕᐊᓂᖃᕈᒪᓕᕈᑎᒃᓴᖏᓐᓂᒃ. ᑭᓯᐊᓂᓗ ᑐᑭᖃᑦᑎᐊᑐᒃᑯᑦ ᐱᓕᕆᖃᑎᒌᒍᓐᓇᕐᓂᑕᖃᖅᑎᓐᓇᒍᑦ ᐱᓂᐊᕐᓂᕋᕈᑕᐅᓯᒪᔪᓂᒃ ᓄᓇᕗᖕ ᐊᖏᕈᑎᖏᑦᑎᒍᑦ, ᐊᑦᑕᓇᕐᑐᒦᒃᐳᒍᑦ ᐊᖑᒻᒪᑎᒎᓐᓃᑲᓐᓂᓕᕐᐸᓪᓕᐊᓂᐊᕐᓂᑎᓐᓂᒃ.
ᐅᖃᓕᒫᕈᒪᒍᕕᐅᒃ ᓇᐃᓪᓕᑎᕐᓯᒪᔪᑦ: ᓇᕿᓪᓗᒍ ᓇᐃᓪᓕᑎᖅᓯᒪᔪᑦ
ᐅᖃᓕᒫᕈᒪᒍᕕᐅᒃ ᑕᒪᐃᑕ ᐅᓂᒃᑳᓕᐊᕆᓯᒪᔪᖅ: ᓇᕿᓪᓗᒍ ᐅᓂᒃᑳᓕᐊᑦ
ᑐᑭᓯᒋᐊᕐᕕᒃᓴᖅ ᐱᕙᓪᓕᐊᔪᓕᕆᔨᓄᑦ: ᓇᕿᓪᓗᒍ ᑐᓴᕋᒃᓴᑦ ᓴᖅᑭᑕᐅᔪᑦ ᑐᙵᕕᒃᑯᑦ ᖃᕆᑕᐅᔭᒃᑯᑦ ᐃᑭᐊᕐᕆᕕᖓᓂ
